శ్రీవిష్ణు, కేథరిన్, థ్రెసా జంటగా నటించిన చిత్రం భళా తందనాన. కమర్షియల్ ఎంటర్టైనర్గా రూపొందుతుంది. మా సినిమా టీజర్కి అద్బుతమైన స్పందన వచ్చింది. వేసవి సెలవులు, మే 3న రంజాన్ పండగను దృష్టిలో పెట్టుకొని ఈ నెల 30న మా చిత్రాన్ని రిలీజ్ చేయాలని నిర్ణయించాం. మణిశర్మ సంగీతం అందించిన మా సినిమాలోని పాటలకు మంచి స్పందన వస్తోంది. వాణిజ్యాంశాలతో కూడిన వినోదాత్మక చిత్రమిది. శ్రీవిష్ణు కేథరిన్ జోడి ఆకట్టుకుంటుంది. బాణంతో సత్తా చాటిన చైతన్య దంతులూరి ఈ చిత్రాన్ని తెరకెక్కించిన విధానం చాలా బాగుంటుంది. పీటర్ హెయిన్ యాక్షన్ స్టంట్స్ ప్రేక్షకులను అలరిస్తాయి అని చిత్ర యూనిట్ పేర్కొంది. రామచంద్రరాజు, శ్రీనివాస్ రెడ్డి, సత్య తదితరులు నటించిన ఈ చిత్రానికి కెమెరా: సురేష్ రగుతు. బాణం సినిమా ఫేమ్ చైతన్య దంతులూరి దర్శకత్వం వహించారు. సాయి కొర్రపాటి సమర్పణలో వారాహి చలన చిత్రం పతాకంపై రజనీ కొర్రపాటి నిర్మించిన ఈ చిత్రాన్ని ఈ నెల 30న విడుదల చేస్తున్నట్లు చిత్ర యూనిట్ ప్రకటించింది.
…………………………
