బాబు పెదపూడి హీరోగా నటిస్తూ నిర్మించిన చిత్రం రివెంజ్‌. నేహదేశ్‌ పాండే హీరోయిన్‌. రెట్టడి శ్రీనివాస్ దర్శకుడు. ఈ చిత్రం ట్రైలర్‌ను ప్రముఖ దర్శకుడు ఎన్.శంకర్ విడుదల చేశారు. ఈ సందర్భంగా ఎన్.శంకర్ మాట్లాడుతూ రివెంజ్‌ దర్శకుడు నాకు మంచి మిత్రుడు. మద్రాస్‌ నుంచి ఇద్దరి జర్నీ ప్రారంభమైంది. సినిమా అంటే ప్రాణంగా బతికే వ్యక్తి. ఈ సినిమాతో తనలో వున్న మరో కోణాన్ని మనకు పరిచయం చేయబోతున్నాడు. ట్రైలర్ బాగుంది. సినిమా కూడా మంచి విజయం సాధించి అందరికి మంచి పేరు రావాలని కోరుకుంటున్నాను అన్నారు.
మరో దర్శకుడు వీరభద్రమ్ చౌదరి మాట్లాడుతూ హీరో, నిర్మాత బాబు గారితో నాకు 12 ఏళ్ల పరిచయం. సినిమా అంటే విపరీతమైన ప్యాషన్ ఉన్న వ్యక్తి. దర్శకుడు శ్రీనివాస్ ఒక మంచి కథతో ఈ సినిమా రూపొందించారన్న విషయం ట్రైలర్ చూశాక అర్థమైంది. ఈ సినిమా విజయం సాధించాలని మనస్పూర్తిగా కోరుకుంటున్నాఅన్నారు.నిర్మాత, డిస్ట్రిబ్యూట‌ర్ శోభారాణి మాట్లాడుతూ దర్శకుడు చూస్తే ఎంతో సౌమ్యంగా ఉన్నాడు కానీ..సినిమాను ఎంతో ప‌వ‌ర్ ఫుల్ గా తీశాడు. బాబు గారు ప‌ర్ఫార్మెన్స్ తో ఇర‌గ‌దీసారు. క‌చ్చితంగా సినిమా హిట్ అవుతుంద‌న్నారు.
ఈ కార్యక్రమంలో దర్శకుడు వీరభద్రమ్ చౌదరి, హీరో, నిర్మాత బాబు, కథానాయిక నేహదేశ్‌ పాండే, ఆరోహి, అశోక్ రెడ్డి, చ‌ర‌ణ్ సాయి, మోహ‌న్ గౌడ్‌, మాణిక్ రెడ్డి తదితరులు పాల్గొన్నారు.
