వినోద్‌ కిషన్‌, అనూషకృష్ణ జంటగా నీలగిరి మామిళ్ల దర్శకత్వంలో రూపొందిన చిత్రం పేక మేడలు. ఇటీవలే ప్రేక్షకుల ముందుకొచ్చింది. రాకేష్‌ వర్రే నిర్మాత. మహిళా సాధికారత నేపథ్యంలో రూపొందించిన తమ చిత్రా నికి మంచి ఆదరణ లభిస్తున్నదని మేకర్స్‌ తెలిపారు. ఈ సందర్భంగా చిత్ర బృందం సక్సెస్‌ మీట్‌ను ఏర్పాటు చేసింది. ఈ కార్యక్రమంలో దర్శకుడు నీలగిరి మామిళ్ల మాట్లాడుతూ దర్శకుడు నీలగిరి మామిళ్ల మాట్లాడుతూ భావోద్వేగంతో నిండిన మంచి సినిమాను తీశారని చూసిన ప్రతీ ఒక్కరూ ప్రశంసిస్తున్నారు. ముఖ్యంగా మహిళలు ఈ సినిమాను విశేషంగా ఆదరిస్తున్నారు అని అన్నారు. మంచి కంటెంట్‌ ఉన్న సినిమా తీస్తే ప్రేక్షకులు తప్పక ఆదరిస్తారని మరోసారి రుజువు చేసిన చిత్రమిది. ఈ సినిమా సక్సెస్‌ ఇలాంటి మరిన్ని సినిమాలు నిర్మించడానికి ఉత్సాహం ఇచ్చింది అని నిర్మాత రాకేశ్‌ వర్రే చెప్పారు. ఈ చిత్రానికి ఎడిటర్‌: సృజ న అడుసుమిల్లి, హంజా అలీ, డీఓపీ: హరిచరణ్‌.కె, సంగీతం: స్మరణ్‌సాయి.
