టీఆర్‌ఎస్‌ ఎన్నారై సౌత్‌ ఆఫ్రికా శాఖ అధ్యక్షుడు గుర్రాల నాగరాజు ఆధ్వర్యంలో టీఆర్‌ఎస్‌ ఆవిర్భావ దినోత్సవ వేడుకలు సౌత్‌ ఆఫ్రికాలో ఘనంగా నిర్వహించారు. టీఆర్‌ఎస్‌ పార్టీ జెండాను ఆవిష్కరించి పార్టీ శ్రేణులకు, తెలంగాణ ప్రజలకు శుభాకాంక్షలు తెలిపారు. ఈ సందర్భంగా గుర్రాల నాగరాజు మాట్లాడుతూ బంగారు తెలంగాణ నిర్మాణానికి సీఎం కేసీఆర్‌ ఎంతో కృషి చేస్తున్నారని తెలిపారు. పోరాడి సాధించుకున్న తెలంగాణ అభివృద్ధి ముఖ్యమంత్రి కేసీఆర్‌తోనే సాధ్యమన్నారు. తెలంగాణ అభివృద్ధికి నిరంతరం పాటుపడుతున్న ముఖ్యమంత్రి కేసీఆర్‌ వెంటే తామంతా ఉంటామన్నారు. ఈ కార్యక్రమంలో సౌజన్‌ రావు, నామా రాజేశ్వర్‌, శివా రెడ్డి, నవదీప్‌ రెడ్డి, సాయి కిరణ్‌ నల్ల, గుండా జై విష్ణు, హరీష్‌ రంగ తదితరులు పాల్గొన్నారు.
