అమెరికా అధ్యక్షుడు డొనాల్డ్‌ ట్రంప్‌ పశ్చిమాసియా పర్యటన ముగింపుకు చేరుకుంది. అధ్యక్షుడు ట్రంప్‌ ఖతార్‌ పర్యటనను ముగించుకొని యునైటెడ్‌ అరబ్‌ ఎమిరేట్స్‌ కు చేరుకున్నారు. ఈ సందర్భంగా ట్రంప్‌కు యూఏఈ అధ్యక్షుడు మొహమ్మద్‌ బిన్‌ జాయెద్‌ అల్‌ నహ్యాన్‌ ఘనంగా స్వాగతం పలికారు. అబుదాబిలో ఓ ప్రత్యేకమైన సాంస్కృతిక ప్రదర్శన అల్‌-అయ్యాలాతో స్వాగతం పలికారు. అందులో మహిళలు తెల్ల దుస్తులను ధరించి తమ జుట్టును అటూ ఇటూ తిప్పుతూ ట్రంప్‌కు స్వాగతం పలికిన తీరు ఆకర్షిస్తోంది.
