హీరో శ్రీవిష్ణు నటిస్తున్న తాజా చిత్రం విష్ణు విన్యాసం. యదునాథ్ దర్శకుడు. ఈ చిత్రాన్ని సుమంత్ నాయుడు నిర్మిస్తున్నారు. ఈ నేపథ్యంలో మ్యూజికల్ జర్నీకి శ్రీకారం చుట్టారు. దేఖో విష్ణు విన్యాసం అంటూ సాగే తొలిగీతాన్ని విడుదల చేశారు. కథానాయకుడికి జ్యోతిష్యంపై ఉండే మక్కువను చర్చిస్తూ ఈ పాట సాగింది. రధన్ స్వరానికి రామజోగయ్యశాస్త్రి సాహిత్యం అందించారు. శ్రీకృష్ణ ఆలపించారు. నయనసారిక, సత్య, బ్రహ్మాజీ, ప్రవీణ్, మురళీశర్మ, శ్రీకాంత్ అయ్యంగార్, సత్యం రాజేష్ తదితరులు నటిస్తున్నారు. ఫిబ్రవరిలో విడుదలకానుంది. ఈ చిత్రానికి సంగీతం: రధన్, నిర్మాణ సంస్థ: శ్రీసుబ్రహ్మణ్యేశ్వర సినిమాస్, రచన-దర్శకత్వం: యదునాథ్ మారుతీరావు.
