టీడీపీ జాతీయ ప్రదాన కార్యదర్శి నారా లోకేశ్ యువగళం ముగింపు కార్యక్రమం విజయవంతం కావడంపై అమెరికా వాషింగ్టన్ డీసీలో ఎన్నారైలు కేక్ కట్ చేసి అభినందనలు తెలిపారు. ఈ సందర్భంగా సతీష్ వేమన మాట్లాడుతూ ప్రజల సమస్యలను అవగతం చేసుకుంటూ, ఒక యువకుడిగా నారా లోకేశ్ యువగళం జనగళమై నవ యువ శకానికి నాంది పలికారు. ప్రభుత్వం పాదయాత్రకు పలు అడ్డంకులు సృష్టించింది. చంద్రబాబును అక్రమ అరెస్ట్ చేసినా, చెక్కు చెదరని సంకల్పంతో, ప్రజామోదంతో సాగిన ఈ యాత్ర చరిత్ర సృష్టించింది. యువగళం ముగింపు సభ రాబోతున్న ఎన్నికలకు తెలుగుదేశం పార్టీ శంఖారావమని, చంద్రబాబు నాయకత్వం చారిత్రక అవసరం అని అన్నారు. ఈ కార్యక్రమంలో సుధీర్ కొమ్మి, రవి అడుసుమిల్లి, భాను వలేటి, భార్గవ్ , భాను మాగులూరి, నాగ్ నెల్లూరి, యాష్ బొద్దులూరి, మురళీధర్ గౌడ్ తదితరులు పాల్గొన్నారు.
