అర్జున్ అంబటి హీరోగా నటిస్తున్న చిత్రం పరమపద సోపానం. జెన్నిఫర్‌ ఇమ్మాన్యుయేల్‌ కథానాయిక. నాగశివ దర్శకత్వం. ఈ చిత్రాన్ని ఎస్‌ఎస్‌ మీడియా పతాకంపై గుడిమిట్ట శివప్రసాద్‌ నిర్మించారు. ఈ చిత్రం టీజర్‌ను ఆవిష్కరించారు.ఈ సందర్భంగా దర్శకుడు నాగశివ మాట్లాడుతూ వినూత్నమైన కథాంశంతో ఈ చిత్రాన్ని రూపొందించామని, ఆద్యంతం అనేక మలుపులతో ఆకట్టుకుంటుందని పేర్కొన్నారు.
సినిమాలోని యాక్షన్‌ ఎపిసోడ్స్‌ హైలైట్‌గా నిలుస్తాయని హీరో అర్జున్ అంబటి తెలిపారు. తెలుగు ప్రేక్షకులకు కొత్త అనుభూతినందించే చిత్రమిదని నిర్మాత శివప్రసాద్‌ అన్నారు. హీరోయిన్‌ జెన్నిఫర్‌ మాట్లాడుతూ ఈ సినిమాలో నేను నేహా అనే పోలీస్‌ ఆఫీసర్‌పాత్ర పోషించాను. కచ్చితంగా అందర్నీ ఆకట్టుకుంటుంది అనే నమ్మకం ఉంది అని చెప్పారు. జూలై 11న విడుదలకానుంది.ఈ చిత్రానికి సంగీతం: డేవ్‌జాండ్‌, కథ, మాటలు, స్క్రీన్‌ప్లే, దర్శకత్వం: నాగశివ.
