జూనియర్‌ ఎన్టీఆర్, కొరటాల శివ కాంబినేషన్‌ వస్తున్న చిత్రం దేవర. ఈ మూవీని ఎన్టీఆర్ ఆర్ట్స్, యువ‌సుధ ఆర్ట్స్ బ్యానర్లపై సుధాకర్‌ మిక్కిలినేని, కొనరాజు హరికృష్ణ సంయుక్తంగా తెరకెక్కిస్తున్నారు. కొరటాల శివ దర్శకత్వంలో భారీ బడ్జెట్‌తో వస్తోన్న ఈ మూవీలో బాలీవుడ్ భామ జాన్వీకపూర్ టాలీవుడ్‌ ఎంట్రీ ఇస్తోంది. బాలీవుడ్ స్టార్ యాక్టర్ సైఫ్‌ అలీఖాన్‌ విలన్‌గా భైర పాత్రలో నటిస్తున్నాడు. తాజాగా ఈ సినిమా షూటింగ్ అప్డేట్ ఒకటి అభిమానుల్లో జోష్ నింపుతోంది.హైదరాబాద్ సమీపంలో వేసిన స్పెషల్ సెట్‌లో తారక్‌పై వచ్చే సోలో సన్నివేశాలను చిత్రీకరిస్తుందట. ఈ షూట్‌ అయిపోగానే, ఇతర యాక్టర్లతో వచ్చే సీన్లను షూట్‌ చేయబోతున్నట్టు ఇన్‌సైడ్‌ టాక్‌.
ఇటీవలే ఎన్టీఆర్‌పై వచ్చే అండర్‌వాటర్‌ సీక్వెన్స్‌ను ఈ సెట్‌లో చిత్రీకరించారట. దేవరలో చాలా కీలకంగా సాగే ఈ సీక్వెన్స్‌ కోసం తారక్‌ ప్రత్యేకంగా శిక్షణ కూడా తీసుకున్నాడు. ఫిషింగ్‌ హార్బర్‌ విలేజ్‌, పోర్ట్ మాఫియా బ్యాక్‌ డ్రాప్‌ చుట్టూ తిరిగే కథతో తెరకెక్కుతున్న ఈ చిత్రానికి అనిరుధ్ ర‌విచంద‌ర్ సంగీతం అందిస్తున్నాడు. దేవరలో పాపులర్ మలయాళ నటుడు షైన్ టామ్‌ చాకో కీలక పాత్రలో నటిస్తున్నాడు. మ‌ల్టీ లింగ్యువల్‌ ప్రాజెక్ట్‌గా తెరకెక్కుతున్న దేవర ప్రపంచవ్యాప్తంగా 2024 ఏప్రిల్ 5న థియేటర్లలో గ్రాండ్‌గా విడుదల కానుంది. ఈ మూవీకి పాపులర్ టెక్నీషియన్‌ రత్నవేల్‌ సినిమాటోగ్రాఫర్‌గా పనిచేస్తున్నారు.
