వరుణ్ తేజ్‌ హీరోగా నటిస్తోన్న తాజా చిత్రం మట్కా. కరుణకుమార్ దర్శకత్వం. ఈ చిత్రంలో మీనాక్షి చౌదరి, నోరా ఫతేహి హీరోయిన్లుగా నటిస్తున్నారు. పీరియాడిక్ బ్యాక్‌ డ్రాప్‌లో తెరకెక్కుతున్న ఈ సినిమాకు సంబంధించి ముందుగా ప్రకటించిన ప్రకారం రిలీజ్ అప్‌డేట్ అందించారు మేకర్స్‌. ఈ చిత్రాన్ని నవంబర్ 14న గ్రాండ్‌గా విడుదల చేయనున్నట్టు ప్రకటించారు.
ఈ సందర్భంగా సెకండ్‌ లుక్‌ పోస్టర్‌ని విడుదల చేశారు. వరుణ్ తేజ్‌ సూట్‌లో సూపర్ స్టైలిష్‌గా సిగరెట్‌ తాగుతూ, మెట్లపై నడుస్తూ కనిపిస్తున్నారు. 1958 నుంచి 1982 వరకూ అంటే, 24ఏండ్ల పాటు సాగే పీరియాడిక్ డ్రామా ఇదని, ఇందులో వరుణ్ నాలుగు విభిన్న రూపాల్లో కనిపిస్తారని మేకర్స్‌ తెలిపారు. ఇప్పటికే విడుదల చేసిన మట్కా టైటిల్‌ టీజర్‌ సినిమాపై క్యూరియాసిటీతోపాటు అంచనాలు పెంచేస్తుంది. మట్కాను వైరా ఎంటర్‌టైన్‌మెంట్స్‌ బ్యానర్‌పై తెరకెక్కిస్తున్నారు. ఈ చిత్రంలో నవీన్‌చంద్ర, అజయ్‌ఘోష్‌, కన్నడ కిశోర్‌, రవీంద్ర విజయ్‌, పి.రవిశంకర్‌ ఇతర పాత్రధారులు. ఈ చిత్రానికి కెమెరా: ఎ.కిశోర్‌కుమార్‌, నిర్మాతలు: డాక్టర్‌ విజయేందర్‌రెడ్డి, తీగల, రజనీ తాళ్లూరి, నిర్మాణం: వైర ఎంటైర్టెన్మెంట్స్‌, ఎస్‌ఆర్‌టీ ఎంటైర్టెన్మెంట్స్‌.
