రామ్ పోతినేని కథానాయకుడిగా నటిస్తున్న చిత్రం డబుల్ ఇస్మార్ట్. కావ్య థాపర్‌ కథానాయిక. పూరీ జగన్నాథ్‌ దర్శకత్వం. ఈ చిత్రంలో అలీ, గెటప్‌ శీను ఇతర పాత్రధారులు. విడుదలకు ఇంకా 50రోజుల సమయమే ఉన్నందున కౌంట్‌డౌన్‌ చెబుతూ మేకర్స్‌ ఓ స్పెషల్‌ పోస్టర్‌ని విడుదల చేశారు. నాటి ఇస్మార్ట్‌శంకర్‌ని తలపిస్తూ డబుల్ జోష్‌ని ప్రేక్షకులకు అందించేలా రామ్ ఈ పోస్టర్‌లో కనిపిస్తున్నారు. కథ, కథనాలతోపాటు పాత్రల తీరుతెన్నులు ఇందులో కొత్తగా ఉంటాయని, ఎక్సయిట్మెంట్‌, ఎంటర్‌టైన్‌మెంట్‌ రెండూ సమపాళ్ల లో ఉండే ఈ కథలో సంజయ్‌దత్‌ పాత్ర చాలా కీలకమని, రామ్‌తో ఆయన కాంబినేషన్‌ సీన్స్‌ మాస్‌ని విపరీతంగా ఆకట్టుకుంటాయని మేకర్స్‌ చెబుతున్నారు. ఆగస్ట్‌ 15న పాన్‌ఇండియా స్థాయిలో విడుదల కానుంది. ఈ చిత్రానికి కెమెరా: సామ్‌ కె.నాయుడు, జియాని జియానెలి, సంగీతం: మణిశర్మ. పూరీజగన్నాథ్‌ స్వీయ దర్శకత్వంలో చార్మీకౌర్‌తో కలిసి ఈ చిత్రాన్ని నిర్మిస్తున్న విషయం తెలిసిందే.
