లేట్‌ నైట్‌ కల్చర్‌, డ్రగ్స్‌ యువతపై ఎలాంటి ప్రభావం చూపిస్తున్నాయో తెలిపే కథాంశంతో రూపొందుతున్న సందేశాత్మక యూత్‌ఫుల్‌ ఎంటర్‌టైనర్‌ యుఫోరియా. గుణశేఖర్‌ స్వీయ దర్శకత్వంలో రాగిణి, నీలిమలతో కలిసి నిర్మిస్తున్న ఈ చిత్రం ప్రస్తుతం నిర్మాణ దశలో ఉంది. ప్రమోషన్‌లో భాగంగా హైదరాబాద్‌లో నిర్వహించిన ఈ సినిమా సాంగ్ లాంచ్‌ ఈవెంట్‌లో డైరెక్టర్‌ గుణశేఖర్‌ మాట్లాడారు. అందరూ కనెక్ట్‌ అయ్యేలా చక్కని మెసేజ్‌తో ఈ సినిమా ఉంటుంది. ఇప్పటికే విడుదలైన ైప్లె హై పాటతో అందర్నీ అలరించిన సంగీత దర్శకుడు కాలభైరవ. ఇప్పుడు రెండో పాటతో వచ్చారు. రామ రామ అంటూ సాగే ఈ పాటను చైతన్యప్రసాద్‌ రాయగా, కాలభైరవ అద్భుతంగా స్వరపరిచారు. అందరూ ఎంజాయ్‌ చేసేలా ఈ పాట ఉంటుంది. ఈ సినిమా ద్వారా 20మంది కొత్తవాళ్లని పరిచయం చేస్తున్నాం. ఈ సినిమా ద్వారా కథానాయకుడిగా పరిచయం అవుతున్న విఘ్నేష్‌ గవిరెడ్డికి ఈ సినిమా మంచి బ్రేక్‌ అవుతుంది. భూమిక పాత్ర సినిమాకు హైలైట్‌గా నిలుస్తుంది అని అన్నారు.
ఈ సినిమా ప్రజల్లో ఎంతో ఇంపాక్ట్‌ చూపిస్తుందని, తల్లిదండ్రులు తప్పకుండా చూడాల్సిన సినిమా ఇదని భూమిక పేర్కొన్నారు. ఎడిటర్‌ ప్రవీణ్‌పూడి, నిర్మాత నీలిమ గుణ, హీరో విఘ్నేష్‌ గవిరెడ్డి, రోహిత్‌ కూడా మాట్లాడారు.
