రామ్ పోతినేని, శ్రీలీల జంటగా నటిస్తున్న చిత్రం స్కంద. బోయపాటి శ్రీను దర్శకుడు. శ్రీనివాస చిట్టూరి నిర్మాత. తాజాగా చిత్రం నుంచి గందారబాయి అనే లిరికల్‌ వీడియో సాంగ్‌ను విడుదల చేశారు. రామ్, శ్రీలీల తమ ఎనర్జీతో ప్రేక్షకుల మనసుని కొల్లకొట్టారు.ఎక్స్ టార్డినరీ డ్యాన్స్ మూమెంట్స్ తో అలరించారు. రామ్ డ్యాన్స్‌లో డైనమిజం చూపించగా, శ్రీలీల ఎనర్జీతో మ్యాచ్ చేసింది. ఈ ఇద్దరు గ్రేట్ డ్యాన్సర్లు. వాళ్ళ డ్యాన్స్ చూడ్డానికి రెండు కళ్లు చాలవు. నిర్మాత మాట్లాడుతూ మాస్‌ యాక్షన్‌ ఎంటర్‌టైనర్‌గా అత్యంత భారీబడ్జెట్‌తో నిర్మిస్తున్న చిత్రమిది. ఈ తాజా పాటకు ఎస్‌ఎస్‌ థమన్‌ అందించిన మాస్‌ స్వరాలకు రామ్,శ్రీలీల ఎనర్జిటిక్‌ డ్యాన్స్‌తో అదరగొట్టారు. తెలుగు, తమిళ, కన్నడ, మలయాళ, హిందీ భాషల్లో సెప్టెంబర్‌ 15న చిత్రాన్ని విడుదల చేయడానికి సన్నాహాలు చేస్తున్నాం అన్నారు. ఈ చిత్రానికి సంతోష్ డిటాకే కెమెరామెన్ గా పని చేస్తున్నారు. ఈ చిత్రాన్ని జీ స్టూడియోస్ సౌత్, పవన్ కుమార్ సమర్పిస్తున్నారు. తమ్మిరాజు ఎడిటర్.
