గోపీచంద్‌ కథానాయకుడిగా నటిస్తున్న చిత్రం విశ్వం. శ్రీను వైట్ల దర్శకత్వం. పీపుల్‌ మీడియా ఫ్యాక్టరీ, చిత్రాలయం స్టూడియోస్‌ పతాకాలపై టీజీ విశ్వప్రసాద్‌, వేణు దోనెపూడి నిర్మిస్తున్నారు. ఈ నేపథ్యంలో మ్యూజికల్‌ ప్రమోషన్స్‌లో వేగం పెంచారు. మంగళవారం మొండితల్లి పిల్ల నువ్వు అనే పాటను విడుదల చేశారు. చేతన్‌ భరద్వాజ్‌ స్వరపరచిన ఈ పాటను శ్రీహర్ష రచించారు.తల్లీకూతుళ్ల బంధాన్ని ఆవిష్కరిస్తూ ఈ పాట సాగింది. అడుగే తడబడితే..ఇదిగో నీ వెనకే ఉంటానులే.. చిన్నారి తల్లి…కలలో భయపడకు..ఎపుడూ నీ కునుకై ఉంటానులే చిన్నారి తల్లి..మొండితల్లి పిల్ల నువ్వు అంటూ ఎమోషనల్‌గా ఈ పాటను తీర్చిదిద్దారు.
డాటర్‌ సెంటిమెంట్‌తో రూపొందించిన ఎమోషనల్‌ యాక్షన్‌ ఎంటర్‌టైనర్‌ ఇదని, గోపీచంద్‌ పాత్ర గత చిత్రాలకు భిన్నంగా ఉంటుందని చిత్ర బృందం పేర్కొంది. కావ్య థాపర్‌, వెన్నెల కిషోర్‌ తదితరులు నటిస్తున్నారు. దసరా సందర్భంగా అక్టోబర్ 11న ప్రేక్షకుల ముందుకురానుంది. ఈ చిత్రానికి సినిమాటోగ్రఫీ: కె.వి.గుహన్‌, సంగీతం: చైతన్‌ భరద్వాజ్‌, దర్శకత్వం: శ్రీను వైట్ల.
