సంపూర్ణేష్‌బాబు, సంజోష్‌, ప్రాచీ బంసాల్‌, ఆరతి గుప్తా హీరోహీరోయిన్లుగా నటిస్తున్న చిత్రం సోదరా. మన్‌ మోహన్‌ మేనంపల్లి దర్శకత్వంలో చంద్ర చంగలా నిర్మిస్తున్నారు. ఈ సినిమాలో బాబా భాస్కర్‌, బాబు మోహన్‌, గెటప్‌ శ్రీను తదితరులు నటిస్తున్నారు. ఈ సినిమా నుంచి పిల్లా పిల్లా నన్ను చూసి నావే పిల్ల నా కలలే నిజమయ్యేలా అనే రెండో గీతాన్ని విడుదల చేశారు. మొదటి పాట అన్నదమ్ముల అనుబంధాన్ని ఆవిష్కరించింది. ఇప్పుడీ రెండో గీతం రొమాంటిక్‌ మెలోడీగా ఆకట్టుకుంటుంది. కుటుంబ అనుబంధాల నేపథ్యంలో ఈ చిత్రాన్ని తెరకెక్కిస్తున్నాం. వినోదంతో పాటు చక్కటి భావోద్వేగాలుంటాయి అని చిత్రబృందం పేర్కొంది. ఈ చిత్రానికి కెమెరా: జాన్‌, సంగీతం: సునీల్‌ కశ్యప్‌, నిర్మాణ సంస్థ: క్యాన్స్‌ ఎంటర్‌టైన్‌మెంట్‌, మాంక్‌ ఫిలిమ్స్‌, కథ, దర్శకత్వం: మన్‌మోహన్‌ మేనంపల్లి.
