సోనియాసింగ్‌, పవన్ సిద్ధు జంటగా నటించిన వెబ్‌సిరీస్‌ శశి మధనం. వినోద్‌ గాలి దర్శకుడు. హరీశ్‌ కోహిర్క ర్‌ నిర్మాత. ఈటీవీ విన్‌లో స్ట్రీమింగ్‌ అయిన ఈ సిరీస్‌కి ప్రేక్షకుల నుంచి మంచి స్పందన వస్తున్నదని మేక ర్స్‌ ఆనందం వెలిబుచ్చారు. ఈ నేపధ్యంలో చిత్ర యూనిట్ హైదరాబాద్‌ లో గ్రాండ్ గా సక్సెస్ మీట్ ని నిర్వహించింది. సక్సెస్ మీట్ లో హీరోయిన్ సోనియా సింగ్ మాట్లాడుతూ ప్రేక్షకులు సబ్‌ స్క్రిప్షన్‌ తీసుకొని మరీ ఈ సిరీస్‌ చూడటం ఆనందంగా ఉంది.అద్భుతమైన స్క్రిప్ట్‌తో ఈ సిరీస్‌ రూపొందింది అని అన్నారు.
సోనియా వుంది కాబట్టే తాను ఫ్రీగా ఎఫర్ట్స్‌ పెట్టగలిగానని, ఈ సిరీస్‌ విజయవంతం కావడం ఆనందంగా ఉందని పవన్‌సిద్ధు ఆనందం వెలిబుచ్చారు. అందరి ప్రోత్సాహం వల్లే ఈ సిరీస్‌ బాగా వచ్చిందని దర్శకుడు అన్నారు. నిర్మాత హరీష్ కోహిర్కర్ మాట్లాడుతూ శశి మధనం ఫ్యామిలీ అంతా కూర్చుని చూసే ఎంటర్ టైనర్. ఈ అవకాశం ఇచ్చిన ఈటీవీ విన్ వారికి థాంక్స్. చాలా అద్భుతమైన టీంతో కలసి చాలా మంచి ఎంటర్ టైనర్ ని ఇచ్చాం. ఈ రోజు సక్సెస్ సెలబ్రేషన్ జరుపుకోవడం ఆనందంగా వుంది. ఈ సిరిస్ కి పని చేసిన అందరికీ పేరుపేరునా థాంక్స్. సోనియా, పవన్ చాలా సపోర్ట్ చేశారు. టీం అందరికీ సపోర్ట్ వలన ఈ ప్రాజెక్ట్ ఇంత అద్భుత విజయం సాధించింది అన్నారు. టీం అంతా పాల్గొన్న ఈ వేడుక చాలా గ్రాండ్ గా జరిగింది.
