నవదీప్, పంఖురి గిద్వానీ జంటగా నటిస్తున్న చిత్రం లవ్ మౌళి. అవనీంద్ర దర్శకుడు. నైరా క్రియేషన్స్‌ శ్రీకర స్టూడియోస్‌ సంస్థలు నిర్మిస్తున్నాయి. ఈ సినిమాలోని షీ ఈజ్‌ రియల్ అనే లిరికల్ వీడియోను విడుదల చేశారు. గోవింద్‌ వసంత్‌ స్వరాలు అందించిన ఈ చిత్రానికి అనంత్‌శ్రీరామ్‌ సాహిత్యాన్నందించారు. శరత్‌ సంతోష్‌, జిబా టామీ ఆలపించారు. దర్శకుడు మాట్లాడుతూ డిఫరెంట్‌ కాన్సెప్ట్‌తో ఈ సినిమాను తెరకెక్కిస్తు న్నాం. నా జీవితంలో జరిగిన సంఘటనల స్ఫూర్తితో కథ రాసుకున్నా. నవదీప్ పాత్ర కొత్త పంథాలో ఉంటుంది. ప్రేమలోని భిన్న కోణాన్ని ఆవిష్కరిస్తూ కథ సాగుతుంది అన్నారు. ఈ చిత్రానికి నిర్మాణం: సి స్పేస్‌, రచన-దర్శకత్వం, సినిమాటోగ్రఫీ, ఎడిటింగ్‌: అవనీంద్ర.
