ఎంగేజ్మెంట్ చేసుకున్న అయిదేళ్ల త‌ర్వాత న్యూజిలాండ్ మాజీ ప్రధాని జెసిండా ఆర్డెర్న్‌ పెళ్లి చేసుకున్నారు. చాలా కాలం నుంచి జీవిత భాగ‌స్వామిగా ఉన్న క్లార్క్ గేఫోర్డ్‌ను ఆమె పెళ్లాడింది. వెల్లింగ్ట‌న్‌కు 325 కిలోమీట‌ర్ల దూరంలో ఉన్న హాక్ బే ప్రాంతంలో ఉన్న ఓ విలాస‌వంత‌మైన తోట‌లో పెళ్లి జ‌రిగిన‌ట్లు తెలుస్తోంది. 2014 నుంచి జెసిండా, గేఫోర్డ్ డేటింగ్‌లో ఉన్నారు. అయితే అయిదేళ్ల త‌ర్వాత వాళ్లు ఎంగేజ్మెంట్ చేసుకున్నారు. 2017లో న్యూజిలాండ్ ప్ర‌ధానిగా బాధ్య‌త‌లు చేప‌ట్టారు. ఆ త‌ర్వాత 2018లో ఆమె ఓ పాప‌కు జన్మనిచ్చి త‌ల్లి అయ్యారు. న్యూయార్క్‌లో జ‌రిగిన యూఎన్ మీటింగ్‌కు కూడా ఆ పాప‌ను తీసుకెళ్లారు. 2023 జ‌న‌వ‌రిలో ఆమె అక‌స్మాత్తుగా ప్రధాని ప‌ద‌వికి రాజీనామాను ప్ర‌క‌టించారు.
