యామిన్ రాజ్, కార్తీక్ జయంత్, ప్రియాంకా రెవరి ముఖ్య తారలుగా సాయి సునీల్ నిమ్మల దర్శకత్వంలో తెరకెక్కుతున్న చిత్రం ప్రేమదేశపు యువరాణి. ఆనంద్ వేమూరి, సీహెచ్ హరిప్రసాద్ సీహెచ్ నిర్మాతలు. చిత్రీకరణ పూర్తియింది. ప్రస్తుతం నిర్మాణానంతర కార్యక్రమాలు జరుగుతున్నాయి. ఈ సందర్భంగా దర్శకుడు మాట్లాడుతూ యామిన్, కార్తీక్, ప్రియాంక కొత్తవారైనా బాగా నటించారు. కథ హీరోయిన్ చుట్టే తిరుగుతుంది. ఆర్.పి.పట్నాయక్ సోదరుడు అజయ్ పట్నాయక్ అందించిన సంగీతం మెలోడీ ప్రధానంగా ఆకట్టుకుంటుంది. ఈ నెలాఖరులో ఆడియో విడుదల చేస్తాం అన్నారు. నిర్మాతలు మాట్లాడుతూ ఈ సినిమాలో ఐదు పాటలు, మూడు ఫైట్స్ ఉన్నాయి అన్నారు. లవ్, కామెడీ అంశాలు కలబోతగా ప్రతీకార నేపథ్యంలో సాగే చిత్రమిది. త్వరలో విడుదల చేస్తాం అన్నారు. సందీప్, రాజారెడ్డి, పవన్, యోగి తదితరులు నటిస్తున్న ఈ చిత్రానికి కెమెరా: శివకుమార్ దేవరకొండ, సంగీతం: అజయ్ పట్నాయక్. రచన`దర్శకత్వం:సాయి సునీల్ నిమ్మల.
