జేడీ చక్రవర్తి, ఈషా రెబ్బా, రమ్య నంబీషన్, కమల్ కామరాజ్ వంటి వారు ముఖ్య పాత్రలో నటించిన చిత్రం దయా. శ్రీకాంత్ మొహతా, మహేంద్ర సోని నిర్మిస్తున్న ఈ వెబ్ సిరీస్‌ను పవన్ సాధినేని తెరకెక్కించారు. ఈ సందర్భంగా రమ్య నంబీసన్‌ మీడియాతో మాట్లాడుతూ నా కెరీర్‌లో ఇంత వరకు ఇలాంటి ఇంటెన్స్‌, సీరియస్‌ పాత్రను చేయలేదు. ఓ లేడీ జర్నలిస్ట్‌కు ఎలాంటి పరిస్థితులు ఎదురయ్యాయి అనేది చక్కగా చూపించారు. దయా అందరినీ ఎంటర్‌టైన్‌ చేస్తుంది అన్నారు. ఈ కథ వినగానే షాక్‌ అయ్యాను. ఈ సిరీస్‌లో ప్రతీ పాత్రకు ఎంతో ప్రాముఖ్యత ఉంటుంది. చివరి సన్నివేశం వరకు ప్రేక్షకులకు ఎంతో ఉత్కంఠను పంచుతుంది. దయను చూస్తే ఖచ్చితంగా థ్రిల్ల్‌ అవుతారు. పుష్ప సినిమా కోసం మలయాళంలో ఊ అంటావా అనే పాట పాడాను. ఆ పాట అంత పెద్ద హిట్‌ అవుతుందని అనుకోలేదు. ఓటీటీ అనే ఫ్లాట్‌ఫామ్‌ రావడం వల్ల చాలా మంది నటీనటులకు అవకాశాలు పెరిగాయి. నిజంగానే ఓటీటీ అనేది ఓ గొప్ప పరిణామం అన్నారు. ఆగస్ట్ 4న డిస్నీ ప్లస్ హాట్ స్టార్‌లో స్ట్రీమింగ్ కానుంది.
