విజయ్‌సేతుపతి-నిత్యా మేనన్‌ సార్‌ మేడమ్ టైటిల్ టీజర్ టీజర్‌

విజయ్ సేతుపతి, నిత్యా మీనన్ ప్ర‌ధాన పాత్ర‌లో న‌టిస్తున్న తాజా చిత్రం తలైవన్ తలైవి. పాండిరాజ్ దర్శకత్వం వహిస్తుండ‌గా, టీజీ త్యాగ‌రాజ‌న్ స‌మ‌ర్ప‌ణ‌లో స‌త్య జ్యోతి ఫిలిమ్స్ బ్యాన‌ర్‌పై సెంథిల్ త్యాగ‌రాజ‌న్, అర్జున్ త్యాగ‌రాజ‌న్ నిర్మిస్తున్నారు. ఈ సంద‌ర్భంగా ఇప్ప‌టికే త‌మిళంలో టీజ‌ర్‌ను విడుద‌ల చేయ‌గా,  ప్రేక్ష‌కుల‌ను ఆక‌ట్టుకుంది.

అయితే ఈ సినిమాను తెలుగులో సార్‌మేడ‌మ్ పేరుతో ప్రేక్ష‌కుల ముందుకు తీసుకురాబోతున్నారు మేక‌ర్స్. ఈ సంద‌ర్భంగా టైటిల్ టీజ‌ర్‌ను విడుద‌ల చేశారు మేక‌ర్స్. ఫుడ్ బ్యాక్‌డ్రాప్‌లో ఈ సినిమా రాబోతున్న‌ట్లు తెలుస్తుంది. ఈ టీజ‌ర్‌లో విజయ్ సేతుపతి, నిత్యా మీనన్ మధ్య ఉండే కెమిస్ట్రీని చూపించారు మేక‌ర్స్. సంతోష్ నారాయణన్ సంగీతం అందిస్తున్న ఈ చిత్రంలో యోగిబాబు త‌దిత‌రులు కీల‌క పాత్ర‌ల్లో న‌టిస్తున్నారు. ఈ సినిమా జూలై 25న ప్రేక్ష‌కుల ముందుకు రాబోతుంది.