సరికొత్త కథలను తెరపైకి తీసుకొస్తూ ప్రేక్షకులను సర్‌ ఫ్రైజ్‌ చేస్తుంటారు కోవీవుడ్‌ స్టార్‌ విశాల్. ఆయన కథానాయకుడిగా నటించిన సామాన్యుడు ఫిబ్రవరి 4న ప్రేక్షకుల ముందుకొస్తోంది. తు.ప.శరవణన్‌ దర్శకత్వంలో తెరకెక్కుతున్న చిత్రమిది. ఆ విషయాన్ని చిత్రబృందం అధికారికంగా ప్రకటించింది. విశాల్ ఫిల్మ్‌ ఫ్యాక్టరీ పతాకంపై విశాల్ స్వయంగా నిర్మిస్తున్నారు. ఆయన జోడిగా డిరపుల్‌ హయాతి నటించింది. తెలుగు, తమిళ భాషల్లో రూపొందిన ఈ చిత్రం యాక్షన్‌ ప్రధానంగా సాగుతుంది. విశాల్ మరోసారి ఓ సరికొత్త కథని ప్రేక్షకుల ముందుకు తీసుకొస్తారని, ఇటీవల విడుదల చేసిన పాటలకి, ప్రచార చిత్రాలకి చక్కటి స్పందన లభిస్తోందని సినీ వర్గాలు తెలిపాయి. యువన్‌ శంకర్‌రాజా అందించిన బ్యాక్‌ గ్రౌండ్‌ స్కోర్‌ ఈ సినిమాను టెక్నికల్‌గా స్ట్రాంగ్‌గా మార్చేసింది అని చిత్ర బృందం పేర్కొంది. యోగిబాబు, బాబురాజ్‌ జాకబ్‌, పా తులసి, రవీనా రవి ముఖ్య పాత్రల్లో నటిస్తున్నారు. ఛాయాగ్రహణం : కెవిన్‌రాజ్‌, సంగీతం: యువన్‌శంకర్‌ రాజా.
