బాలకృష్ణ ఇప్పుడు తన సినిమా షూటింగ్‌లో బిజీ అయిపోయారు. కె.ఎస్‌.రవీంద్ర(బాబీ) దర్శకత్వంలో సూర్యదేవర నాగవంశీ, సాయిసౌజన్య కలిసి నిర్మిస్తున్న ఈ చిత్రం షూటింగ్‌ ప్రస్తుతం హైదరాబాద్‌లో శరవేగంగా జరుగుతున్నది. ఈ సినిమాకు వీరమాస్‌ అనే టైటిల్‌ని ఖరారు చేసినట్టు గతంలో వార్తలొచ్చాయి. ఇప్పుడు ఆ టైటిల్‌తోపాటు ఇంకో రెండు టైటిల్స్‌ గట్టిగా వినిపిస్తున్నాయి.
అందులో ఒకటి అసురుడు కాగా, రెండో డెమోన్‌. ఈ రెండింటిలో ఓ టైటిల్‌ని ఖరారు చేయనున్నారట దర్శకుడు బాబీ. అసురుడు అంటే రాక్షసుడు. డెమోన్‌ అంటే తెలుగులో భూతం. మరి ఈ రెండు టైటిల్స్‌లో ఏ పేరును ఖరారు చేస్తారో చూడాలి. టైటిల్స్‌కి తగ్గట్టు ఇందులో బాలకృష్ణ పాత్ర అత్యంత శక్తిమంతంగా ఉంటుందట. ఇందులో ఆయన గ్యాంగ్‌స్టర్‌గా కనిపిస్తారని సమాచారం. బాబీడియోల్‌ విలన్‌గా నటిస్తున్న ఈ సినిమాలో ఊర్వశి రౌటేలా, చాందిని చౌదరి కీలకపాత్రధారులు. తమన్‌ ఈ సినిమాకు స్వరాలందిస్తున్న విషయం తెలిసిందే.
