సంయుక్త ప్రధాన పాత్రలో నటిస్తున్న చిత్రం ది బ్లాక్ గోల్డ్. యోగేష్ కెఎంసి దర్శకత్వం. ఈ చిత్రాన్ని మాగంటి పిక్చర్స్ భాగస్వామ్యంతో హాస్య మూవీస్ బ్యానర్పై రాజేష్ దండా నిర్మిస్తున్నారు. పవర్ఫుల్ కమర్షియల్ యాక్షన్ ఎంటర్టైనర్గా రూపొందుతున్న ఈ చిత్రంలో సంయుక్త ఇంటెన్స్ పోలీస్ ఆఫీసర్లో పాత్రలో మునుపెన్నడూ చూడని విధంగా కనిపించనున్నారు. చిత్ర బృందం నూతన సంవత్సరం సందర్భంగా ఒక ప్రత్యేక పోస్టర్ను విడుదల చేసింది. ఈ పోస్టర్ సినిమాపై అంచనాలను మరింత పెంచింది. వరుస విజయాలు, యూత్ఫుల్ ఎంటర్టైనర్లను అందించిన నిర్మాత రజేష్ దండా ఈ పాన్-ఇండియా యాక్షన్ విజువల్తో ఒక కొత్త జోన్లో అడుగుపెడుతున్నారు. చిత్రీకరణ దాదాపు పూర్తి కావచ్చింది. సుమారు 75% షూటింగ్ పూర్తయింది. కేవలం 15 రోజుల చిత్రీకరణ మాత్రమే మిగిలి ఉంది. పోస్ట్-ప్రొడక్షన్ పనులు కూడా ఏకకాలంలో జరుగుతున్నాయి. ఈ చిత్రంలో సరికొత్త కథన విధానం, అద్భుతమైన యాక్షన్ సన్నివేశాలు, ఊహించని మలుపులతో ఉండబోతోంది. ఈ చిత్రాన్ని సమ్మర్ స్పెషల్గా విడుదల చేయనున్నట్లు నిర్మాతలు ప్రకటించారు. ఈ చిత్రానికి సహ నిర్మాత: సింధు మాగంటి.
