ఫ్రిస్కో, టెక్సాస్ : ఉత్తర టెక్సాస్ తెలుగు సంఘం (TANTEX) తన 40వ వార్షికోత్సవ వేడుకల సందర్భంగా అక్టోబర్ 24, 2026 శనివారం నాడు తెలుగు సంస్కృతి, సాహిత్యం, సంగీతం మరియు సంప్రదాయాలను ప్రతిబింబించే మూడు ప్రత్యేక కార్యక్రమాలను ఘనంగా నిర్వహించనుంది.
ఈ కార్యక్రమాలన్నీ Frisco Flyers Event Center, 6300 Flyers Way, Frisco, TX 75034 వేదికగా జరుగనున్నాయి.
- అట్లతద్ది వేడుకలు — ఉదయం 9:00 నుంచి మధ్యాహ్నం 1:00 వరకు
రోజువారీ కార్యక్రమాలకు శ్రీకారం చుడుతూ అట్లతద్ది వేడుకలు నిర్వహించనున్నారు. తెలుగు మహిళల సంప్రదాయాలు, సంస్కృతి మరియు ఆచారాలను ప్రతిబింబించే ఈ వేడుకల్లో గౌరీ పూజ, గొరింటాకు, ఉయ్యాల, అట్ల వాయనం, కోలాటం ప్రదర్శనలు, అలాగే పలు వినోద కార్యక్రమాలు మరియు ఆకర్షణీయమైన బహుమతులు ఉంటాయి.
ఈ కార్యక్రమానికి బెజవాడ బేబక్క యాంకర్‌గా వ్యవహరించనున్నారు. కార్యక్రమానికి RSVP తప్పనిసరి. ప్రవేశం ఉచితం. - 19వ వార్షికోత్సవం – తెలుగు సాహిత్య వేదిక
మధ్యాహ్నం 12:00 నుంచి సాయంత్రం 4:30 వరకు
తెలుగు భాష, సాహిత్యం మరియు సాంస్కృతిక విలువలను ప్రోత్సహించే తెలుగు సాహిత్య వేదిక 19వ వార్షికోత్సవం కూడా ఇదే వేదికపై నిర్వహించనుంది.
తెలుగు సాహిత్యాభిమానులను, రచయితలను, సాహితీవేత్తలను మరియు తెలుగు భాషాభిమానులను ఒకే వేదికపైకి తీసుకువచ్చే ఈ కార్యక్రమంలో ప్రముఖ సాహితీవేత్తలు మరియు వక్తల ప్రత్యేక ప్రసంగాలు, సాహిత్య కార్యక్రమాలు నిర్వహించనున్నారు. - కోటి మ్యూజికల్ లైవ్ కాన్సర్ట్
సాయంత్రం 5:00 నుంచి అర్ధరాత్రి వరకు
రోజంతా జరిగే వేడుకలకు ఘన ముగింపుగా ప్రముఖ సంగీత దర్శకుడు, గాయకుడు కోటి ఆధ్వర్యంలో “కోటి మ్యూజికల్ లైవ్ కాన్సర్ట్” నిర్వహించనున్నారు.
ఈ సంగీత విభావరిలో సాయి శ్రీ చరణ్, నజీరుద్దీన్, శివాని పిసుపాటి, వైష్ణవి నన్నూరు తదితర ప్రతిభావంతులైన గాయకులు పాల్గొననున్నారు.
లైవ్ బ్యాండ్‌లో బాబు G – గిటార్, దిలీప్ T – బాస్, శ్రీధర్ వైద్యనాథన్ – కీబోర్డ్స్, కృష్ణ యమన్ – డ్రమ్స్ తమ సంగీత ప్రతిభను ప్రదర్శించనున్నారు.
ఈ కార్యక్రమానికి కేదార్ జోస్యుల మరియు గీతిక పిళ్లలమర్రి ఎంసీలుగా వ్యవహరించనున్నారు.
తెలుగు సంస్కృతి, సాహిత్యం, సంగీతానికి మహా వేడుక
టాంటెక్స్ 40వ వార్షికోత్సవాల సందర్భంగా నిర్వహిస్తున్న ఈ మూడు కార్యక్రమాలు తెలుగు సంప్రదాయాలు, భాష, సాహిత్యం, సంగీతం మరియు సామాజిక ఐక్యతకు ప్రతీకగా నిలవనున్నాయి.
ఉత్తర టెక్సాస్‌లో నాలుగు దశాబ్దాలుగా తెలుగు భాషా సంస్కృతుల పరిరక్షణకు, సమాజ సేవకు టాంటెక్స్ అందిస్తున్న సేవలను స్మరించుకుంటూ ఈ వేడుకలను ఘనంగా నిర్వహించనున్నారు.
తెలుగు కుటుంబాలు, సాహిత్యాభిమానులు, సంగీతప్రియులు మరియు ఉత్తర టెక్సాస్‌లోని తెలుగు సమాజం మొత్తం ఈ చారిత్రాత్మక 40వ వార్షికోత్సవ వేడుకల్లో పాల్గొని విజయవంతం చేయాలని టాంటెక్స్ నిర్వాహకులు ఆహ్వానించారు.
వేదిక: Frisco Flyers Event Center
చిరునామా: 6300 Flyers Way, Frisco, TX 75034
తేదీ: శనివారం, అక్టోబర్ 24, 2026
ప్రవేశం: ఉచితం | పార్కింగ్: ఉచితం
మరిన్ని వివరాలకు: www.tantex.org
టాంటెక్స్ గవర్నింగ్ బోర్డు
మాధవి లోకిరెడ్డి – అధ్యక్షురాలు
దీప్తి సూర్యదేవర – ఈవెంట్ కోఆర్డినేటర్
దీపిక పేట – వనితా వేదిక చైర్
