స్విట్జర్లాండ్ తెలుగు అసోసియేషన్ ఆధ్వర్యంలో జ్యూరిచ్ నగరంలో ఉగాది వేడుకలు ఘనంగా జరిగాయి. భారతీయ సంప్రదాయాలను కాపాడేందుకు సాంస్కృతిక కార్యక్రమాలు నిర్వహించారు. చిన్నారుల ఆటపాటలతో ఉగాది వేడుకలు కన్నుల పండువగా కొనసాగాయి. ఈ సాంస్కృతిక కార్యక్రమంలో చిదంబరేశ్వర పాఠశాలకు చెందిన 23 మంది చిన్నారులు ప్రదర్శించిన భరత నాట్యం ప్రత్యేక ఆకర్షణగా నిలిచింది. ఈ ఉగాది వేడుకలో సాయికృష్ణ, ప్రవీణ్ గౌతమ్, రాయ్, గీతా విజయ్ వంటి గాయకులు చాలా ఉల్లాసంగా తెలుగు పాటలు (కరోకే) పాడారు. ఉగాది పంచాంగ శ్రవణంతో ప్రారంభమైన కార్యక్రమం డీజేతో ముగిసింది.
ఈ కార్యక్రమంలో స్విట్జర్లాండ్ తెలుగు సంఘం అధ్యక్షురాలు గనికాంబ కడలి, ప్రధాన కార్యదర్శి డాక్టర్ దుర్గారావు కరంకి, కోశాధికారి మాధురి ముళ్లపూడి, సాంస్కృతిక కార్యదర్శి మాణిక్యవల్లి చాగంటి, క్రీడా కార్యదర్శి రామచంద్ర వుట్టి త‌దిత‌రులు పాల్గొన్నారు. ఈ వేడుకలో తెలుగు రాష్ట్రాలకు చెందిన 300 మంది పాల్గొన్నారు.
