సన్నీ అఖిల్‌, రవికాలె, అజయ్‌ఘోష్‌, షాయాజీ షిండే ప్రధాన పాత్రల్లో నటిస్తున్న చిత్రం పోలీస్‌ వారి హెచ్చరిక. బాజ్జీ దర్శకత్వం వహిస్తున్నారు. బెల్లి జనార్ధన్‌ నిర్మాత. హైదరాబాద్‌లో ఈ సినిమా ఆడియో లాంచ్‌ ఈవెంట్‌ ఘనంగా జరిగింది. జయసుధ, ఆర్‌.నారాయణమూర్తి, తమ్మారెడ్డి భరద్వాజ్‌, తనికెళ్ల భరణి ఈ కార్యక్రమానికి అతిథులుగా విచ్చేసి చిత్ర యూనిట్‌కి శుభాకాంక్షలు అందించారు.
చక్కటి సామాజిక సందేశంతో ఈ చిత్రాన్ని తెరకెక్కించామని, అన్ని కార్యక్రమాలూ పూర్తి చేసి త్వరలో విడుదల తేదీని ప్రకటిస్తామని దర్శకుడు బాబ్జీ తెలిపారు. ఈ కార్యక్రమంలో పలువురు కమ్యూనిస్ట్‌ నాయకులు కూడా పాల్గొన్నారు. సుభలేఖ సుధాకర్‌, షాయాజీ షిండే, గిద్దేష్‌, తదితరులు ఇతర పాత్రలు పోషించిన ఈ చిత్రానికి కెమెరా: కిషన్‌ సాగర్‌, కొండపల్లి నళినీకాంత్‌, సంగీతం: గజ్వేల్‌ వేణు.
