ఆంధ్రప్రదేశ్‌ అసెంబ్లీ స్పీకర్‌ చింతకాయల అయ్యన్నపాత్రుడు ఆస్ట్రేలియా పర్యటనకు వెళ్లారు. న్యూ సౌత్‌ వేల్స్‌ పార్లమెంట్‌ ఆతిథ్యంగా ఏర్పాటు చేసిన 67వ కామన్వెల్త్‌ పార్లమెంటరీ కాన్ఫరెన్స్‌లో భాగంగా వెళ్లిన ఆయ్యన్నపాత్రుడుకి సిడ్నీ అంతర్జాతీయ విమానాశ్రయంలో ఘన స్వాగతం లభించింది. తెలుగు ప్రజలకు ఆయనకు స్వాగతం పలికారు. నవంబర్‌ 3 నుంచి 8 వరకు ఈ కాన్ఫరెన్స్‌ జరగనుంది. ఈ పర్యటనలో స్పీకర్‌తో పాటు ఆయన కుమారుడు చింతకాయల రాజేశ్‌, రాష్ట్ర అసెంబ్లీ కార్యదర్శి ప్రసన్న కుమార్‌ సూర్యదేవర ఉన్నారు.
