బెల్లంకొండ సాయిశ్రీనివాస్‌ కథానాయకుడిగా, విజయ్‌ కనకమేడల దర్శకత్వంలో కె.కె.రాధామోహన్‌ నిర్మిస్తున్న చిత్రానికి భైరవం అనే టైటిల్‌ని ఖరారు చేశారు. టైటిల్‌ని పరిచయం చేస్తూ ఈ సినిమా ఫస్ట్‌లుక్‌ని మేకర్స్‌ విడుదల చేశారు. ఈ లుక్‌లో బెల్లంకొండ సాయిశ్రీనివాస్‌ రగ్గడ్‌గా కనిపిస్తున్నారు. నేపథ్యంలో కాగడా లు పట్టుకొని నిలుచున్న ప్రజలతోపాటు ఓ దేవాలయం కూడా కనిపిస్తున్నది. కథపై ఆడియన్స్‌కి ఆసక్తి పెంచేలా ఈ పోస్టర్‌ ఉన్నది. ప్రముఖ తారాగణం నటిస్తున్న ఈ హై వోల్టేజ్‌ యాక్షన్‌ డ్రామాలో మంచు మనోజ్‌, నారా రోహిత్‌ ప్రత్యేక పాత్రలు పోషిస్తున్నారు. ఈ చిత్రానికి మాటలు: సత్యర్షి, తూమ్‌ వెంకట్‌, కెమెరా: హరి కె.వేదాంతం, సంగీతం: శ్రీచరణ్‌ పాకాల, సమర్పణ: డా.జయంతిలాల్‌ గడ.
