భారతీయులకు జారీచేసే పర్యాటక వీసాల సంఖ్యను కెనడా భారీగా కుదించింది. గతంలో కెనడా పర్యాటక వీసాల కోసం దరఖాస్తు చేసుకున్న ప్రతి 100 మంది భారతీయుల్లో దాదాపు 80 మందికి ఆ వీసాలు లభించేవి. కానీ, ఇప్పుడు ఆ సక్సెస్‌ రేటు 20% కంటే దిగువకు పడిపోయింది. ముఖ్యంగా పంజాబ్‌ నుంచి పర్యాటక వీసా ల కోసం వచ్చే దరఖాస్తులను కెనడా పెద్ద సంఖ్యలో తిరస్కరిస్తున్నది. గత కొన్ని నెలల నుంచి ఈ ధోరణి కనిపిస్తున్నది. అర్హత గల దరఖాస్తుదారులకు ఇచ్చే 10 ఏండ్ల ఆటోమ్యాటిక్‌ మల్టిపుల్‌-ఎంట్రీ టూరిస్ట్‌ వీసాల ను నిలిపివేయడానికి కొన్ని నెలల ముందు నుంచి కెనడా ఈ ధోరణిని అవలంబిస్తున్నది. తద్వారా పర్యాట కులకు తీవ్ర అడ్డంకులు సృష్టిస్తున్నది. కెనడా ఇమ్మిగ్రేషన్‌ విధానాలు గణనీయంగా కఠినతరం అవుతున్నట్టు ఈ పరిణామాలు స్పష్టం చేస్తున్నాయి.
