ధనుష్, నాగార్జున, రష్మిక మందన్న ప్రధాన పాత్రల్లో నటిస్తున్న పాన్‌ ఇండియా చిత్రం కుబేర. శేఖర్‌ కమ్ముల దర్శకుడు. ఓ పాట మినహా చిత్రీకరణ పూర్తయింది. ఈ నెల 15న టీజర్‌ను విడుదల చేయబోతున్నారు. ఈ సందర్భంగా కొత్త పోస్టర్‌ను విడుదల చేశారు. ఇందులో నాగార్జున, ధనుష్ భిన్న ధృవాలుగా కనిపిస్తున్నారు. మురికివాడలో పిల్లల నడుమ ఏదో అన్వేషిస్తున్నట్లుగా రష్మిక మందన్న లుక్‌ ఆసక్తినిరేకెత్తిస్తున్నది. సమాజంలోని ఆర్థిక అంతరాలు, సామాజిక పరిస్థితులను చర్చిస్తూ ఓ వినూత్నమైన కాన్సెప్ట్‌తో దర్శకుడు శేఖర్‌ కమ్ముల ఈ చిత్రాన్ని తెరకెక్కిస్తున్నారని సమాచారం. ఇప్పటికే విడుదల చేసిన ప్రచార చిత్రాలకు అద్భుతమైన స్పందన లభించిందని, టీజర్‌లో సినిమా కాన్సెప్ట్‌ను రివీల్‌ చేస్తామని మేకర్స్‌ తెలిపారు. శ్రీవెంకటేశ్వర సినిమాస్‌, అమిగోస్‌ క్రియేషన్స్‌ పతాకంపై సునీల్‌ నారంగ్‌, పుస్కూర్‌ రామ్మోహన్‌ రావు ఈ చిత్రాన్ని నిర్మిస్తున్నారు.
