హాస్యబ్రహ్మ బ్రహ్మానందం, ఆయన తనయుడు రాజా గౌతమ్‌ ప్రధాన పాత్రల్లో నటిస్తున్న చిత్రం బ్రహ్మా ఆనందం. ప్రియా వడ్లమాని, ఐశ్వర్య హోలక్కల్‌ కథానాయికలు. ఆర్‌వీఎస్‌ నిఖిల్‌ దర్శకత్వం. ఈ చిత్రాన్ని స్వధర్మ్‌ ఎంటర్‌టైన్‌మెంట్స్‌ పతాకంపై రాహుల్ యాదవ్‌ నక్కా నిర్మిస్తున్నారు. ఈ సినిమా నుంచి రాజా గౌతమ్‌ ఫస్ట్‌లుక్‌ పోస్టర్‌ను విడుదల చేశారు. ఇందులో రాజా గౌతమ్‌ సంప్రదాయ దుస్తుల్లో కనిపిస్తున్నారు. ఈ సినిమాలో బ్రహ్మానందం, రాజా గౌతమ్‌ తాత, మనవళ్లుగా నటిస్తున్నారని, ఆద్యంతం హాస్యప్రధానంగా సాగే చిత్రమిదని మేకర్స్‌ తెలిపారు. ఫిబ్రవరి 7న ప్రేక్షకుల ముందుకురానుంది. ఈ చిత్రానికి సంగీతం: శాండిల్య, రచన-దర్శకత్వం: ఆర్‌వీఎస్‌ నిఖిల్‌.
