రాజ్ తరుణ్ హీరోగా, సక్సెస్ ఫుల్ డైరెక్టర్ ఎ ఎస్ రవికుమార్ చౌదరి దర్శకత్వంలో రూపొందుతున్న హోల్స మ్ ఎంటర్‌టైనర్ తిరగబడరసామీ. మాల్వి మల్హోత్రా హీరోయిన్‌. సురక్ష్ ఎంటర్‌టైన్‌మెంట్ మీడియా బ్యానర్‌ పై మల్కాపురం శివకుమార్ ఈ చిత్రాన్ని నిర్మిస్తున్నారు. యూత్‌ని ఆకట్టుకునే రొమాన్స్‌తో పాటు ఫ్యామిలీని ఆకర్షించే సెంటిమెంట్, మాస్‌ని అలరించే హై వోల్టేజ్ యాక్షన్, ఎమోషనల్ ఎలిమెంట్స్‌తో ఈ చిత్రాన్ని రూపొందిస్తున్నట్లుగా మేకర్స్ చెబుతున్నారు. తాజాగా ఈ చిత్ర విడుదల తేదీని మేకర్స్ ఫిక్స్ చేసి అనౌన్స్ చేశారు. తిరగబడరసామీ సినిమాను ఆగస్ట్ 2న ప్రపంచ వ్యాప్తంగా గ్రాండ్‌గా రిలీజ్ చేయబోతున్నట్లుగా మేకర్స్ అధికారికంగా ప్రకటించారు.
ఇప్పటికే విడుదలైన టీజర్, ట్రైలర్, పాటలు మంచి బజ్ క్రియేట్ చేసి సినిమాపై క్యురియాసిటీని పెంచిన విషయం తెలిసిందే. అంతేకాకుండా, ప్రస్తుతం రాజ్ తరుణ్, లావణ్య, మాల్వి మల్హోత్రాల రియల్ లైఫ్ స్టోరీ ఓ ముక్కోణపు థ్రిల్లింగ్ లవ్ స్టోరీని తలపిస్తుండటం కూడా ఈ సినిమాకు హైప్‌కు కారణమవుతోంది. ఈ సినిమా లో సెన్సేషనల్ బ్యూటీ మన్నారా చోప్రా ఓ డిఫరెంట్ క్యారెక్టర్‌లో కనిపించడంతో పాటు ఒక స్పెషల్ సాంగ్‌లో అలరించబోతుంది. మకరంద్ దేశ్‌పాండే, జాన్ విజయ్, రఘు బాబు, అంకిత ఠాకూర్, పృధ్వి, ప్రగతి, రాజా రవీంద్ర, బిత్తిరి సత్తి ఇతర కీలక పాత్రలు పోషిస్తున్న ఈ చిత్రానికి జెబి మరియు భోలే షావలి సంగీతం అందిస్తున్నారు.
