రవితేజ కథానాయకునిగా కార్తీక్‌ ఘట్టమనేని దర్శకత్వంలో రూపొందిన చిత్రం ఈగల్‌. కావ్య థాపర్‌, అనుపమ పరమేశ్వరన్‌ కథానాయికలు. టీజీ విశ్వప్రసాద్‌ నిర్మించిన ఈ చిత్రం రేపు విడుదల కానుంది. ఈ చిత్రంలో నవదీప్‌, అవసరాల శ్రీనివాస్‌, మధుబాల, ప్రణీత పట్నాయక్‌ ఇతర పాత్రధారులు. ఈ సందర్భంగా ఈ చిత్రం ట్రైలర్‌ని మేకర్స్‌ విడుదల చేశారు. ట్రైలర్‌లో రవితేజ టెర్రిఫిక్‌ డైలాగులు, డేవ్‌జాంద్‌ అద్భుతమైన నేపథ్య సంగీతం సినిమాపై అంచనాలు రెట్టింపు చేసేలా ఉన్నాయని, దానికి తగ్గట్టే సినిమా కూడా ఉంటుందని, ప్రొడక్షన్‌ డిజైన్‌ చాలా లావిష్‌గా ఉంటుందని మేకర్స్‌ చెబుతున్నారు.
వచ్చాడంటే మోతర.. విధ్వంసాల జాతర అనే లైన్స్‌ రవితేజ పాత్ర నైజాన్ని చెప్పకనే చెబుతున్నాయని, ప్రేక్షకులు మునుపెన్నడూ చూడని ైస్టెలిష్‌ యాక్షన్‌ ఎంటర్‌టైన్మెంట్‌ని చూడబోతున్నారని నమ్మకంగా చెప్పగలమని చిత్రం బృందం తెలిపింది. కార్తీక్‌ ఘట్టమనేని ఈ చిత్రానికి దర్శకత్వ బాధ్యతను నిర్వర్తిస్తూనే, మణిబాబు కరణంతో కలిసి రచన అందించడంతోపాటు, కమిల్‌ ప్లాకి, కర్మ్‌ చావ్లాలతో కలిసి సినిమాటోగ్రఫీ కూడా అందించారు.
