ఆర్కేసాగర్ నటించిన ది 100 చిత్రం ఇటీవలే ప్రేక్షకుల ముందుకొచ్చింది. ఓంకార్ శశిధర్ దర్శకత్వం వహించారు. ఈ సందర్భంగా ఏర్పాటు చేసిన థాంక్స్మీట్లో హీరో ఆర్కే సాగర్ మాట్లాడుతూ ఈ సినిమాలో నేను పోషించిన విక్రాంత్ ఐపీఎస్ క్యారెక్టర్ అందరికి గుర్తుండిపోతుంది. హర్షవర్ధన్ రామేశ్వర్ తన మ్యూజిక్తో సినిమాను మరోస్థాయికి తీసకెళ్లారు. అన్ని కేంద్రాల నుంచి సినిమాకు మంచి స్పందన లభిస్తున్నది. ఈ సినిమా విషయంలో మా అంచనాలన్నీ నిజమయ్యాయి అన్నారు. సమాజంలో సమస్యల్ని తీసుకొని ఈ సినిమా చేశానని, ప్రేక్షకుల్లో స్ఫూర్తినింపుతున్నదని దర్శకుడు అన్నారు.
