హరిహరవీరమల్లు లొకేషన్‌లోకి పవన్‌కల్యాణ్‌ అడుగుపెట్టనున్నారు. నిధి అగర్వాల్‌ కథానాయిక. ఈ నెల 23 నుంచి ఈ సినిమా తాజా షెడ్యూల్‌ విజయవాడలో మొదలుకానుంది. గ్లాడియేటర్‌, బోర్న్‌ ఐడెంటిటీ, ది లాస్ట్‌ సమురాయ్‌ వంటి లెజెండ్రీ మూవీస్‌కి పనిచేసిన హాలీవుడ్‌ దిగ్గజ యాక్షన్‌ దర్శకుడు నిక్‌ పావెల్‌ ఆధ్వర్యంలో భారీ యుద్ధ సన్నివేశాలను ఈ షెడ్యూల్‌లో చిత్రీకరించనున్నట్టు నిర్మాతలు తెలిపారు. పవన్‌కల్యాణ్‌తోపాటు నాజర్‌, రఘుబాబు, సునీల్‌, అభిమన్యుసింగ్‌, అయ్యప్ప తదితరులు ఈ షెడ్యూల్‌లో భాగం కానున్నారు.
400మంది సిబ్బంది, భారీ సంఖ్యలో జూనియర్‌ ఆర్టిస్టులు, ఫైటర్లతో మునుపెన్నడూ చూడని స్థాయిలో యుద్ధ సన్నివేశాలను చిత్రీకరించేందుకు దర్శకుడు జ్యోతికృష్ణ ప్రణాళికలు సిద్ధం చేశారు. ఈ షెడ్యూల్‌తో ఈ సినిమా షూటింగ్‌ తుదిదశకు చేరుతుంది అని నిర్మాతలు చెప్పారు. ఈ చిత్రంలో బాబీ డియోల్‌ ప్రతినాయకు ని పాత్ర పోషిస్తున్నారు. బాలీవుడ్‌ దిగ్గజ నటుడు అనుపమ్‌ఖేర్‌ కీలక పాత్రలో కనిపించనున్నారు. ఈ చిత్రాని కి కెమెరా: మనోజ్‌ పరమహంస, సంగీతం: ఎం.ఎం.కీరవాణి, కళ: తోట తరణి, నిర్మాతలు: ఎ.దయాకర్‌ రావు, ఎ.ఎం.రత్నం. నిర్మాణం: మెగా సూర్య ప్రొడక్షన్స్‌.
