హీరో నాని, మృణాల్ ఠాకూర్ జంటగా రూపొందుతున్న చిత్రం హాయ్ నాన్న. శౌర్యువ్ దర్శకుడు. మోహన్ చెరుకూరి, డాక్టర్ విజయేందర్రెడ్డి తీగల నిర్మాతలు. నవంబర్ 4న ఈ సినిమాకు చెందిన థర్డ్ సింగల్ని విడుదల చేయనున్నట్టు ఈ సందర్భంగా వారు తెలిపారు. అమ్మాడీ అంటూ సాగే ఈ పాట ఓ బ్యూటిఫుల్ రొమాంటిక్ నంబర్ అని, విభిన్నమైన కథాకథనాలతో రూపొందుతోన్న ఈ చిత్రం అన్ని వర్గాలకూ నచ్చుతుందని, మృణాళ్ ఠాకూర్, నాని కెమిస్ట్రీ హైలైట్గా నిలుస్తుందని, నాని కుమార్తె పాత్ర పోషించిన బేబీ కియారా ఖన్నా పాత్ర ఈ సినిమాకు ప్రత్యేక ఆకర్షణ అని మేకర్స్ చెబుతున్నారు. హేషమ్ అబ్దుల్ వహాబ్ స్వరాలందించిన ఈ చిత్రం పాటల్లో ఫస్ట్ సింగిల్, సెకండ్ సింగిల్స్ని ఇప్పటికే విడుదల చేశారు. అవి మంచి ప్రజాదరణ పొందుతున్నాయని మేకర్స్ చెబుతున్నారు. డిసెంబర్ 7న ప్రపంచవ్యాప్తంగా పాన్ ఇండియా స్థాయిలో సినిమా విడుదల కానుంది.
