నాని, శ్రీనిధి శెట్టి కథానాయికగా నటిస్తున్న చిత్రం హిట్‌-3. శైలేష్‌ కొలను దర్శకుడు. ఈ సందర్భంగా శ్రీనిధి శెట్టి పాత్రికేయులతో ముచ్చటించింది. హిట్‌-3 లో తాను మృదుల అనే పాత్రలో కనిపిస్తానని, స్వతంత్ర భావాలున్న యువతిగా తన పాత్ర కథాగమనంలో కీలకంగా ఉంటుందని చెప్పింది. అర్జున్‌ సర్కార్‌ పాత్రకు భిన్నంగా ఉంటుంది. ఎంతో ప్రాధాన్యమున్న పాత్ర నాది. సినిమాలో నాని పోషించిన అర్జున్‌ సర్కార్‌ క్యారెక్టర్‌ ఎంత ఇంటెన్స్‌గా ఉంటుందో ట్రైలర్‌లో చూశారు. ఆయన పాత్రకు పూర్తి భిన్నంగా మృదుల కనిపిస్తుంది. అయితే అర్జున్‌ సర్కార్‌, మృదుల మాట తప్పితే ఇంకెవరి మాట వినడు. అలా ఎందుకో చేస్తాడో తెలుసుకోవాలంటే సినిమా చూడాల్సిందే అని తెలిపింది.ఈ సినిమా కోసం తెలుగులో సొంతంగా డబ్బింగ్‌ చెప్పానని, అచ్చ తెలుగు అమ్మాయిలా ఎలాంటి ఉచ్చారణ దోషాలు లేకుండా డబ్బింగ్‌ పర్‌ఫెక్ట్‌గా వచ్చిందని శ్రీనిధి శెట్టి పేర్కొంది. మే 1న ప్రేక్షకుల ముందుకురానుంది.
