త్రిగుణ్‌ హీరోగా నటించిన చిత్రం లైన్‌మ్యాన్‌. వి.రఘుశాస్త్రి దర్శకత్వం. కాజల్‌ కుందెర్‌, బి.జయశ్రీ, నివిక్ష నాయుడు, హరిణి శ్రీకాంత్‌ తదితరులు నటిస్తున్నారు. తెలుగు, కన్నడ భాషల్లో ఈ చిత్రాన్ని తెరకెక్కిస్తు న్నారు. ఈ సినిమా ఫస్ట్‌లుక్‌, మోషన్‌ పోస్టర్‌ను విడుదల చేశారు. ఎలక్ట్రిసిటీ డిపార్ట్‌మెంట్‌కు చెందిన లైన్‌ మ్యాన్‌ జీవితంలో చోటుచేసుకున్న ఆసక్తికరమైన సంఘటనలతో ఈ సినిమాను తెరకెక్కించాం. కర్ణాటక మాండ్య ప్రాంతంలోని గ్రామీణ వాతావరణాన్ని ఆవిష్కరిస్తుంది. ఆద్యంతం వినోదప్రధానంగా ఆకట్టుకుం టుంది అని చిత్ర బృందం పేర్కొంది. ఈ చిత్రానికి కెమెరా: శాంతిసాగర్‌ హెచ్‌.జి, సంగీతం: కాద్రి మణికాంత్‌, నిర్మాణ సంస్థ: పర్సల్‌ రాక్‌ ఎంటర్‌టైనర్స్‌, రచన-దర్శకత్వం: వి.రఘుశాస్త్రి.
