కొండా వెంకటరాజేంద్ర స్వీయ దర్శకత్వంలో నటిస్తున్న హారర్‌ కామెడీ డ్రామా లోపలికి రా చెప్తా. మనీషా జష్మాని, సుస్మిత అనాలా, సాంచిరాయ్‌ కీలక పాత్రధారులు. లక్ష్మీగణేశ్‌, వెంకటరాజేంద్ర నిర్మాతలు. ఈ సినిమా షూటింగ్‌ పూర్తయింది. ప్రమోషన్‌లో భాగంగా సినిమాలోని తొలిపాటను మేకర్స్ విడుదల చేశారు. డెలివరీ బోయ్‌ జాఫర్‌ ఈ పాటను విడుదల చేయడం విశేషం.
ఈ కథలో హీరో డెలివరీ బోయ్‌. అందుకే మొదటి పాటను డెలివరీ బోయ్‌తో విడుదల చేయించాం. డేవ్‌ జాండ్‌ సంగీత దర్శకత్వంలో కపిల్‌ కపిలన్‌ పాడిన ఈ పాట సినిమాకు హైలైట్‌గా నిలుస్తుందని నటుడు, దర్శక, నిర్మాత వెంకటరాజేంద్ర తెలిపారు. ఈ చిత్రానికి కెమెరా: రేవంత్‌ లేవాక, అరవింద్‌ గణేశ్‌.
