చైతన్యరావు, భూమిశెట్టి జంటగా నటించిన చిత్రం షరతులు వర్తిస్తాయి. కుమారస్వామి (అక్షర) దర్శకత్వం. ఈ సినిమాలోని పన్నెండు గుంజల పందిర్ల కిందా అనే గీతాన్ని ప్రముఖ దర్శకుడు శేఖర్ కమ్ముల విడుదల చేశారు. పెద్దింటి అశోక్‌ కుమార్‌ రాసిన ఈ గీతానికి సురేష్‌ బొబ్బిలి సంగీతాన్నందించారు. ఈ సందర్భంగా శేఖర్ కమ్ముల మాట్లాడుతూ ఈ పాటలో తెలంగాణ మట్టి వాసనలు కనిపిస్తున్నాయని, తెలంగాణ పాటలు ఇప్పుడు ట్రెండ్‌ అవుతున్నాయని తెలిపారు. ఈ పాటలో పెళ్లి ప్రారంభం నుంచి అప్పగింతల వరకు అన్ని ఘట్టాలను చక్కగా చూపించారని తెలంగాణ సాంస్కృతిక శాఖ సంచాలకులు మామిడి హరికృష్ణ చెప్పారు. పెళ్లిలోని ప్రతి సందర్భం జీవితమంతా గుర్తుండిపోవాలనే నాయిన ఆకాంక్షను ప్రతిఫలిస్తూ ఈ పాట సాగు తుందని దర్శకుడు కుమారస్వామి పేర్కొన్నారు. త్వరలో విడుదలకు సిద్ధమవుతున్నది.
