మెగాస్టార్‌ చిరంజీవి త్వరలోనే వాల్తేరు వీరయ్యగా సందడి చేసేందుకు రెడీ అంటున్నాడు. బాబీ (కేఎస్ ర‌వీంద్ర) దర్శకత్వంలో వస్తున్న ఈ చిత్రంలో శృతిహాసన్‌ హీరోయిన్‌గా నటిస్తోంది. మాస్‌ యాక్షన్‌ ఎంటర్‌టైనర్‌ వాల్తేరు వీరయ్యలో రవితేజ ఏసీపీ విక్రమ్‌సాగర్‌ పాత్రలో కనిపించబోతున్నాడు వాల్తేరు వీరయ్య 2023 సంక్రాంతి కానుకగా జనవరి 13న థియేటర్లలో సందడి చేయనుంది. అయితే విడుదల తేదీ దగ్గర పడుతున్న కొద్దీ ఏదో ఒక అప్‌డేట్ ఇస్తూ అభిమానులను హుషారెత్తిస్తున్నాడు చిరంజీవి. తాజాగా స్టైలిష్‌ లుక్ ఒకటి నెట్టింట్లో షేర్ చేశారు. చుట్టూ గన్స్ మధ్యలో స్టైలిష్‌ గాగుల్స్‌ తో స్టన్నింగ్ లుక్‌లో కనిపిస్తూ టాక్‌ ఆఫ్‌ ది టౌన్‌గా నిలుస్తున్నాడు వాల్తేరు వీరయ్య . తాజా లుక్‌తో సినిమాపై క్యూరియాసిటీ మరింత పెంచేస్తున్నాడు చిరు. మైత్రీ మూవీ మేకర్స్ టీం. మైత్రీ మూవీ మేకర్స్ బ్యానర్‌పై తెరకెక్కుతున్న ఈ చిత్రానికి రాక్ స్టార్ దేవీ శ్రీ ప్రసాద్ సంగీతం అందిస్తున్నాడు. ఇప్పటికే విడుదలైన టీజర్‌ ట్రెండింగ్‌ అవుతోంది.
