పవన్కల్యాణ్ రానా ప్రధాన పాత్రల్లో నటిస్తున్న చిత్రం భీమ్లానాయక్. మలయాళంలో విజయవంతమైన అయ్యప్పనుమ్ కోషియమ్ చిత్రానికి రీమేక్గా తెరకెక్కిస్తున్నారు. ఈ సినిమాలో ఇప్పటికే విడుదలైన సెభాష్ ఆడా గాదు ఈడా గాదు అమీరోళ్ల మేడ గాదు అనే గీతం చక్కటి ప్రజాదరణ సొంతం చేసుకున్న విషయం తెలిసిందే. రెండో గీతాన్ని ఈ నెల 15న విడుదల చేయబోతున్నారు. అంత ఇష్టం అనే పల్లవితో ఈ పాట సాగనుంది. తమన్ సర్వల్ని సమకూర్చారు. ఈ సందర్భంగా సినిమా తాలూకు కొత్త పోస్టర్ను విడుదల చేశారు. భిన్న వ్యక్తిత్వాలు కలిగిన ఇద్దరు వ్యక్తుల మధ్య తలెత్తిన ఇగో సంఘర్షణ ఎలాంటి పరిణామాలకు దారితీసిందన్నదే చిత్ర ఇతివృత్తం. ప్రముఖ దర్శకుడు త్రివిక్రమ్ స్క్రీన్ప్లే, సంభాషణలందిస్తున్న ఈ చిత్రానికి సినిమాటోగ్రఫీ : రవి కె చంద్రన్, సంగీతం: తమన్, సమర్పణ: పీడీవీ ప్రసాద్, నిర్మాత సూర్యదేవర నాగ వంశీ, దర్శకత్వం : సాగర్ కె చంద్ర. సాగర్ కె చంద్ర దర్శకుడు. నిత్యామీనన్ కథానాయికగా నటిస్తున్నది. సితార ఎంటర్టైన్మెంట్స్ పతాకంపై సూర్యదేవర నాగవంశీ నిర్మిస్తున్నారు. వచ్చే ఏడాది జనవరి 12న ప్రేక్షకుల ముందుకు రానుంది.
