వెంకటేష్‌ కథానాయకుడిగా నటిస్తున్న తాజా చిత్రం సైంధవ్‌. శైలేష్‌ కొలను దర్శకుడు. నిహారిక ఎంటర్‌టైన్‌మెంట్స్‌ పతాకంపై వెంకట్‌ బోయనపల్లి నిర్మిస్తున్నారు. ఈ చిత్రంలో నవాజుద్దీన్‌ సిద్ధిఖీ, శ్రద్ధా శ్రీనాథ్‌, రుహానీ శర్మ, ఆండ్రియా జెర్మియా తదితరులు నటిస్తున్నారు. త్వరలో ఫస్ట్‌ సింగిల్‌ను విడుదల చేయబోతున్నారు. ఈ సందర్భంగా కొత్త పోస్టర్‌ను విడుదల చేశారు. వెంకటేష్‌ కెరీర్‌లోనే భారీ వ్యయంతో ఈ చిత్రాన్ని రూపొందిస్తున్నారు. వ్యవస్థలోని అరాచక శక్తులపై ఓ సామాన్యుడి పోరాటం ఏమిటన్నదే ఈ చిత్ర కథాంశమని, వెంకటేష్‌ పాత్ర వవర్‌ఫుల్‌గా సాగుతుందని చెబుతున్నారు. ప్రస్తుతం నిర్మాణానంతర కార్యక్రమాలు జరుగుతున్నాయి. సంక్రాంతికి ప్రేక్షకుల ముందుకురానుంది. ఈ చిత్రానికి సినిమాటోగ్రఫీ: ఎస్‌.మణికందన్‌, సంగీతం: సంతోష్‌ నారాయణ్‌, రచన-దర్శకత్వం: శైలేష్‌ కొలను.
