ప్రభాస్‌ కథానాయకుడిగా న‌టిస్తున్న తాజా చిత్రం కల్కి 2898 ఏడీ. నాగ్‌ అశ్విన్‌ దర్శకత్వం. భారతీయ పౌరా ణిక ఇతిహాసాల స్ఫూర్తితో ఫ్యూచరిస్టిక్‌ సైన్స్‌ ఫిక్షన్‌ కథాంశంతో ఈ చిత్రాన్ని రూపొందిస్తున్నారు. అమితా బ్‌ బచ్చన్‌, కమల్‌హాసన్‌, దీపికాపడుకోన్‌ వంటి అగ్ర తారలు ఈ సినిమాలో భాగం కావడంతో దేశ వ్యాప్తంగా క్రేజ్‌ ఏర్పడింది. ఈ చిత్రాన్ని మే 9న విడుదల చేయబోతున్నట్లు నిర్మాణ సంస్థ వైజయంతీ మూవీస్‌ ప్రకటిం చింది. ఈ సందర్భంగా కొత్త పోస్టర్‌ను విడుదల చేశారు. నిర్మాత సి.అశ్వనీదత్‌ మాట్లాడుతూ మే నెల 9వ తేదీ మా సంస్థకు సెంటిమెంట్‌. మేము తెరకెక్కించిన జగదేకవీరుడు అతిలోక సుందరి, మహానటి, మహర్షి చిత్రాలు అదే తేదీన విడుదలైన అపూర్వ ప్రేక్షకాదరణ సొంతం చేసుకున్నాయి. ఆ సెంటిమెంట్‌ను పునరా వృతం చేస్తూ కల్కి చిత్రాన్ని వేసవిలో విడుదల చేయాలని నిర్ణయం తీసుకున్నాం అన్నారు. కొద్ది మాసాల క్రితం విడులద చేసిన ఈ చిత్ర టీజర్ గ్లింప్స్‌కు అద్భుతమైన స్పందన లభించింది. ప్రస్తుతం ఈ సినిమా చిత్రీకరణ జరుపుకుంటున్నది.
