ఆకాష్ పూరి, గెహనా సిప్పీ నటీనటులుగా దర్శకుడు జీవన్రెడ్డి తెరకెక్కించిన చిత్రం చోర బజార్. ఈ చిత్రాన్ని ఐటీ క్రియేషన్స్ పతాకంపై విఎస్ రాజు నిర్మించారు. యూవీ క్రియేషన్స్ సమర్పణలో తాజాగా ప్రేక్షకులు ముందుకు వచ్చింది సినిమా. ఈ నేపథ్యంలో యూనిట్ సక్సెస్ మీట్ నిర్వహించింది. హీరో ఆకాష్పూరి మాట్లాడుతూ మాస్ హీరోగా మెప్పించాననే పేరు ఈ సినిమాతో తనకు లభించిందన్నారు. నేను జనాల్లోకి హీరోగా వెళ్లిపోయాను అనే ప్రశంసలు దక్కుతున్నాయని తెలిపారు. ఆ క్రెడిట్ దర్శకుడు జీవన్రెడ్డికి ఇవ్వాలన్నారు. సినిమా అన్ని వర్గాల ప్రేక్షకులకు నచ్చుతోందిన్నారు. దర్శకుడు జీవన్ రెడ్డి మాట్లాడుతూ గత రెండు చిత్రాలకంటే ఈ చిత్రం చాలా గ్రాండ్గా ఉందని చెబుతున్నారని, దానికి కారణం నిర్మాత అన్నారు. ఈ సినిమా బ్యూటీపుల్ మెమెరీస్ ఇచ్చిందన్నారు. నిర్మాత విఎస్ రాజు మాట్లాడుతూ సినిమా కోసం మేము పడిన శమ్రకు మంచి ఫలితాన్ని ఇచ్చారు అని అన్నారు. ఈ కార్యక్రమలో దర్శకుడు జీవన్ రెడ్డి, నిర్మాత విఎస్ రాజు, సహ నిర్మాత సురేష్ వర్మ, గీత రచయిత మిట్టపల్లి సురేందర్, యూనిట్ సభ్యులు పాల్గొన్నారు.
