అగ్ర హీరో పవన్కల్యాణ్ తాజా సినిమా ఉస్తాద్ భగత్సింగ్. శ్రీలీల, రాశీఖన్నా కథానాయికలు.ఈ నేపథ్యంలో మేకర్స్ నిర్మాణానంతర కార్యక్రమాలను ముమ్మరం చేశారు. డబ్బింగ్ పనులను ప్రారంభించారు. పవన్కల్యాణ్ త్వరలో డబ్బింగ్ కార్యక్రమాల్లో పాల్గొంటారని మేకర్స్ తెలిపారు. మాస్, పంచ్ డైలాగ్స్ను రాయడంలో దిట్ట అయిన దర్శకుడు హరీశ్శంకర్ ఈ సినిమా కోసం మరింత పదునైన సంభాషణలను రాశారని, అభిమానులతో ఈలలు వేయించేలా డైలాగ్స్ ఉంటాయని చిత్రబృందం చెబుతున్నది.
పవన్కల్యాణ్-హరీశ్శంకర్ ద్వయం ఈ సినిమా చేస్తుండటంతో అంచనాలు తారాస్థాయికి చేరాయి. ఈ వేసవిలో ప్రేక్షకుల ముందుకొచ్చేందుకు సిద్ధమవుతున్నది. త్వరలో రిలీజ్ డేట్ను ప్రకటించనున్నారు.ఈ చిత్రానికి సంగీతం: దేవిశ్రీప్రసాద్, ఆర్ట్: ఆనంద్సాయి, నిర్మాణ సంస్థ: మైత్రీ మూవీ మేకర్స్, నిర్మాతలు: నవీన్ యెర్నేని, రవిశంకర్ యలమంచిలి, రచన-దర్శకత్వం: హరీష్శంకర్ ఎస్.
