మంచు మోహన్‌బాబు, మంచు లక్ష్మీ ప్రసన్న ముఖ్య పాత్రల్లో నటిస్తున్న చిత్రం అగ్ని నక్షత్రం. వంశీకృష్ణ మళ్ల దర్శకత్వంలో మంచు మోహన్‌బాబు, మంచు లక్ష్మీ నిర్మించారు. ఈ సినిమాలోని తెలుసా తెలుసా అనే పాటను ఉమెన్స్ డే సందర్భంగా హీరోయిన్ సమంత సోషల్‌మీడియా ద్వారా విడుదల చేశారు. ఈ పాటకు ప్రేక్షకులు నుంచి మంచి స్పందన వస్తోంది. ఈ పాటలో లక్ష్మీ ప్రసన్నతో పాటు ఆమె తనయ విద్యా నిర్వాణ కూడా కనువిందు చేయడం విశేషం. మలయాళ నటుడు సిద్ధిక్, హీరో విశ్వంత్, చైత్ర శుక్ల ఈ చిత్రంలో ఇతర ముఖ్యపాత్రలు పోషించారు. త్వరలో ఈ చిత్రానికి సంబంధించిన విడుదల తేదీని నిర్మాతలు ప్రకటించనున్నారు. ఈ చిత్రానికి అచ్చు రాజమణి సంగీతం సమకూరుస్తున్నారు. గోకుల్ భారతి సినిమాటోగ్రఫీ అందించారు. మధు రెడ్డి ఎడిటర్‌గా వ్యవహరిస్తున్నారు.
