వరలక్ష్మీ శరత్‌కుమార్‌, సాయికుమార్‌, అతిరారాజ్‌ ప్రధాన పాత్రల్లో నటిస్తున్న చిత్రం కూర్మనాయకి. హర్ష వర్ధన్‌ కడియాల దర్శకత్వం. కె.విజితారావు నిర్మిస్తున్నారు. ఈ చిత్రంలో శివాజీ ఓ కీలకమైన పాత్రను పోషిస్తు న్నారు. ఆయన జన్మదినం సందర్భంగా ఆయన ఫస్ట్‌లుక్‌ను విడుదల చేశారు. శివాజీ ఈ చిత్రంలో శివన్నగా ఓ పవర్ ఫుల్ రోల్ చేస్తున్నట్లు తెలుస్తోంది. మహావిష్ణువు అవతారాల్లోని కూర్మావతారం నేపథ్యంలో పాన్‌ ఇండియా స్థాయిలో ఈ చిత్రాన్ని తెరకెక్కిస్తున్నామని, అత్యున్నత సాంకేతి విలువలతో అలరిస్తుందని, ఈ సినిమాలో శివాజీ పాత్ర కథాగనమంలో కీలకంగా ఉంటుందని దర్శకుడు తెలిపారు. ఈ సినిమాలో నటించ బోయే ఓ స్టార్‌ హీరో వివరాలను త్వరలో వెల్లడిస్తామని నిర్మాతలు పేర్కొన్నారు. ఈ చిత్రానికి కెమెరా: రామ్‌, సంగీతం: శేఖర్‌చంద్ర, రచన-దర్శకత్వం: హర్షవర్ధన్‌ కడియాల.
