సూపర్‌ స్టార్‌ మహేష్ బాబు గారాల పట్టి సితారకు సోషల్ మీడియాలో మంచి క్రేజ్‌ ఉంది. సితారకు సంబంధించిన పలు డ్యాన్స్‌ వీడియోలు మహేష్ భార్య నమ్రత పోస్ట్‌ చేస్తూ ఉంటుంది. అవి క్షణాల్లోనే వైరల్‌ అవుతుంటాయి. అంతేకాకుండా సితార ఓ యూట్యూబ్‌ చానెల్‌ను కూడా రన్‌ చేస్తుంది. ఇలా చిన్నతనంలోనే తండ్రికి తగ్గ తనయికగా పేరు తెచ్చుకుంది. ఈ మధ్య మహేష్‌తో కలిసి పలు షోలకు అటెండ్‌ అవుతూ సెంటర్‌ ఆఫ్‌ ఎట్రాక్షన్‌గా నిలుస్తుంది. తాజాగా సితార మరోసారి అందరి దృష్టిని ఆకర్షించింది.
ప్రముఖ బంగారు నగల తయారీ సంస్థ పిఎంజె జివెల్స్ ప్రత్యేకంగా సితార కలెక్షన్ పేరుతో ఓ స్పెషల్ బ్రాండ్‌ని సృష్టించింది. రీసెంట్‌గానే దీనికి సంబంధించిన యాడ్‌ను షూట్‌ చేశారు. కాగా, ఇప్పుడు ఈ యాడ్‌కు సంబంధించిన ఫొటోల‌ను ప్రెస్టీజియ‌స్ న్యూయార్క్ టైమ్స్ స్క్వేర్‌లో ప్రద‌ర్శించారు. ఇంత చిన్న వయసులోనే సితార ఇలాంటి ఘనత సాధించడంతో మహేష్ మురిసిపోతున్నాడు. సితారను చూస్తే గర్వంగా ఉందని ఈ ఫోటోలను అభిమనులతో పంచుకున్నాడు.
